ڀارت انگلينڊ خلاف 416 رنسن جي وڏي اننگ کيڏڻ ۾ ڪاميابي ماڻي ورتي آهي، جنهن ۾ رشاڀ پنٽ ۽ رويندر جديجا سينچريون هڻي ٽيم جي اسڪور کي وڏو سهارو ڏنو آهي. ميڊيا مطابق انگلينڊ خلاف آخري 5 ٽيسٽ ميچ جي ٻئي ڏهاڙي رشاڀ پنٽ ۽ رويندر جديجا اسڪور اڳتي وڌايو آهي. رشاڀ پنٽ 146 ۽ رويندر جديجا 104 رنسون ٺاهي آئوٽ ٿي ويا آهن، جڏهن تھ جسپريت ڀمرا 31 جي اننگ کيڏي اهم ڪردار ادا ڪيو آهي. هوڏانهن انگلينڊ جي بيٽنگ آڏو برسات اچي وئي، جڏهن تھ اوپنرن سميت 5 اهم بيٽر رڳو 84 رنسن تي آئوٽ ٿي ويا آهن ۽ جسپريت ڀمراهه 3 وڪيٽون وٺي پاڻ ملهايو آهي.
