سيمي فائنل مان نڪرڻ ڪڙي گوري ڳهڻ جيان آهي: مارڪ بائوچر

ڏکڻ آفريقي ڪرڪيٽ ٽيم جي هيڊ ڪوچ مارڪ بائوچر انتهائي ڏکاري انداز ۾ چيو آهي تھ ٽي 20 ورلڊ ڪپ جي سيمي فائنل مان نڪرڻ ڪڙي گوري ڳهڻ جيان آهي. ميڊيا سان ڳالهائيندي هن ٻڌايو تھ انگلينڊ کان کٽڻ ڪاميابي ناهي، ڇوتھ اسين ڪرڪيٽ جي وڏي ايونٽ ۾ هاڻ ناهيون. هن چيو تھ گروپ جي پهرين ميچ هارائڻ بعد اسان وڏي محنت ڪئي، ڇوڪرن بهترين ڪرڪيٽ کيڏي آهي ۽ هڪ ان فارم ٽيم کي شڪست بھ ڏني، پر سچ اهو آهي تھ اسين هاڻ ايونٽ مان نڪري ويا آهيون.