انگلينڊ جي ويمن ٽيم 5 ميچن واري ٽي 20 سيريز جي پهرين ميچ ۾ ويسٽ انڊيز ويمن ٽيم کي 8 وڪيٽن تان شڪست ڏئي برتري حاصل ڪري ورتي آهي. ميڊيا مطابق ويسٽ انڊيز جي ٽيم 7 وڪيٽن تي 105 رنسون ٺاهيون، جنهن ۾ رشادا وليمز 23، چنيلي 21، شبيڪا 13 ۽ شيمين 10 رنسن سان نمايان رهيون. جڏهن تھ باقي بيٽر ڊبل ڊجٽ ۾ نھ اچي سگهيون. هوڏانهن انگلينڊ ويمن 13 اوور ۾ 106 رنسون ٺاهي ڪاميابي ماڻي ورتي، جنهن ۾ ڊيني وائيٽ 59، صوفيا ڊنڪلي 25 ۽ لورين ونفيلڊ هل 15 رنسون ٺاهي نمايان رهيون. انگلينڊ جي بالر لورين بيل 3 وڪيٽون وٺي پاڻ مڃايو آهي.
