شاهين آفريدي ۽ حارث فٽنيس جاچڻ خاطر پي سي بي ۾ طلب

پاڪستاني ڪرڪيٽ ٽيم جي بالرن شاهين آفريدي ۽ حارث رئوف کي پي سي بي جي مينيجمينٽ ڪاميٽي طلب ڪري ورتو آهي، ڇوتھ سندن فٽنيس جي جاچ پڙتال ڪئي ويندي. ميڊيا مطابق ذريعن جو چوڻ آهي تھ شاهين آفريدي جي فٽنيس ۾ بهتري سبب امڪان آهي تھ کيس ون ڊي سيريز ۾ شامل ڪيو وڃي، پر پي سي بي مينيجمينٽ ڪاميٽي ان حوالي سان ڪوبھ رسڪ کڻڻ نٿي چاهي، تنهنڪري فٽنيس جي جاچ ڪرڻ جو فيصلو ڪيو ويو آهي.