پاڪستان ويمن ۽ آسٽريليا ويمن ڪرڪيٽ ٽيمن وچ ۾ پهريون ون ڊي اڄ کيڏيو ويندو، جنهن جون تياريون ٻنهي ٽيمن مڪمل ڪري ورتيون آهن. ميڊيا مطابق آسٽريليا جي دوري تي پهتل قومي ويمن ٽيم ميدان ۾ اچي ڀرپور نموني پريڪٽس بھ ڪئي آهي. هوڏانهن ميڊيا سان ڳالهائيندي پاڪستاني ڪپتان بيمسا معروف چيو آهي تھ ورلڊ ڪپ ۾ بهترين پرفارمنس ڏني، آسٽريليا خلاف سيريز اسان خاطر اهم آهي، اسين هن ميچ جي تياريون ڀرپور نموني ڪيون آهن. آسٽريلوي ڪپتان ميگ ليننگ چيو تھ مان ڪرڪيٽ ۾ 6 مهينن بعد واپس آئي آهيان، ٽيم پاڪستان خلاف ون ڊي جي تياري آهي.
