پاڪستاني ڪرڪيٽ ٽيم جو وڪيٽ ڪيپر محمد رضُوان آسٽريليا خلاف سيمي فائنل جي مقابلي کان اڳ شديد بيمار ٿي پيو هو، جنهن بابت سندس ڊاڪٽر انڪشاف ڪيو آهي تھ رضُوان کي دل جي دوري پوڻ جو خدشو هو، جنهن حساب سان سندس چيڪ اپ بھ ڪيو ويو. ڊاڪٽر سهير زين العابدين ٻڌايو تھ اسپتال آڻڻ وقت رضوان کي سيني ۾ گهڻو سور هو، جنهن سبب حالت خراب هئي، پر اصل ۾ ڳلي ۾ انفيڪشن سبب ساهه جي نالي سوڙهي ٿي وئي هئي، جنهن ڪري هو ساهه نھ پيو کڻي سگهي. هن چيو تھ دوائون ڏئي محمد رضُوان جي سيني جو سور گهٽايو تھ هڪدم چيائين ٽيم ۾ وڃي سيمي فائنل کيڏندس.
