ڀارتي ڪرڪيٽ ٽيم جي اسپنر روي چندر ايشون وڏي دعوا ڪندي چيو آهي تھ لکي وٺو تھ پاڪستان ورلڊ ڪپ جو ايونٽ کيڏڻ خاطر ڀارت ايندو، پر ڀارتي ٽيم ايشيا ڪپ جي ڏس ۾ پاڪستان نھ ويندي. ميڊيا سان ڳالهائيندي هن جو چوڻ هو تھ ايشيا ڪپ پاڪستان ۾ ٿيو تھ ڀارت جي ٽيم ان ۾ شريڪ نھ ٿيندي، جيڪڏهن چاهيو ٿا تھ ڀارت کيڏي تھ ان جو هنڌ بدلايو وڃي. هن چيو تھ ڪيترائي ڀيرا چيو ويو تھ ڀارت نھ آيو تھ اسين نھ وينداسين، پر لڳي ٿو تھ پاڪستاني ٽيم ڀارت ايندي. هن چيو تھ مون کي اهو ناممڪن لڳي رهيو آهي تھ پاڪستان ون ڊي ورلڊ ڪپ کيڏڻ ڀارت نھ اچي.
