ڪرڪيٽ جي دنيا جي ٻن ليجنڊز ڀارت جي اڳوڻي ڪپتان سچن ٽنڊولڪر ۽ ويسٽ انڊيز جي اڳوڻي ڪپتان برائن لارا کي سڊني ڪرڪيٽ گرائونڊ ۾ اهم اعزازن سان نوازيو ويو آهي. ميڊيا مطابق ڪرڪيٽ آسٽريليا پنهنجي فيصلي تحت سڊني گرائونڊ جو هڪ گيٽ سچن ٽنڊولڪر ۽ هڪ گيٽ برائن لارا جي نالي ڪندي کين ارپنا پيش ڪئي آهي. سچن ٽنڊولڪر کي اهو اعزاز سندس 50هين سالگرهه جي موقعي تي ڏنو ويو، برائن لارا ساڳئي ميدان تي 277 رنسن جي اننگز کي 30 سال مڪمل ٿيڻ تي اهو اعزاز ڏنو ويو آهي. سچن ٽنڊولڪر جو چوڻ آهي تھ ايس ايس جي گرائونڊ منهنجو فيوريٽ آهي.
