پاڪستان جي قومي ڪرڪيٽ ٽيم جي ڊائريڪٽر مڪي آرٿر چٽن لفظن ۾ چيو آهي تھ ڀارت جي هوم گرائونڊ تي انهن جي ٽيم کي شڪست ڏئي پاڪستان کي ورلڊ ڪپ 2023ع کٽائڻ پهريون هدف آهي. ميڊيا سان ڳالهائيندي هن ٻڌايو تھ ورلڊ ڪپ 2023ع جي حوالي سان اسان پنهنجو پهريون هدف طئي ڪري ورتو آهي، حڪمت عملي جوڙي ويندي. مڪي آرٿر چيو تھ آسٽريليا خلاف ٽيسٽ سيريز ۾ پاڪستاني ٽيم کي فاتح ڏسڻ چاهيون ٿا، هي ڏکيو چيلنج ضرور آهي، پر اهو ناممڪن ناهي. هن چيو تھ محمد حارث ۽ صائم ايوب بهترين صلاحيتن وارا بيٽر آهن، انهن ۾ راند جو نقشو ئي تبديل ڪرڻ جي خوبي آهي.
