افغانستان جي ڪرڪيٽ ٽيم بنگلاديش خلاف پهرين ٽيسٽ جي پهرين اننگز ۾ 146 رنسن تي آئوٽ ٿي وئي آهي، جنهن بعد بنگلاديش جي ٽيم ٻي اننگز ۾ هڪ وڪيٽ وڃائي 134 رنسون ٺاهي ورتيون آهن ۽ مخالف ٽيم کي 370 رنسن جي ليڊ ڏئي ڇڏي آهي. ڍاڪا ۾ جاري پهرين ٽيسٽ جي ٻئي ڏينهن ئي راند دلچسپ مرحلي ۾ داخل ٿي وئي آهي، جنهن ۾ بنگلاديش جي ٽيم پهرين اننگز ۾ 382 رنسون ٺاهيون آهن. جڏهن تھ افغانستان جي ٽيم پهرين اننگز ۾ 146 رنسن تي آئوٽ ٿي وئي، جنهن ۾ افغان بيٽر افسر زازئي 36 ۽ ناصر جمال 35 رنسون ڪري نمايا رهيا. بنگلاديش جي بالرن مان عبادت حسين 4 وڪيٽون وٺي پاڻ ملهايو آهي، اهڙي ريت شريف الاسلام ، تيج الاسلام ۽ مهدي حسن 2،2 شڪار ڪيا آهن.
