ڪراچي: پاڪستان ڪرڪيٽ بورڊ (پي سي بي) انٽرنيشنل ڪرڪيٽ ڪائونسل (آءِ سي سي) ۽ ڀارتي ڪرڪيٽ بورڊ (بي سي سي آءِ) کان پنهنجا شرطا قبول ڪرائي ورتا آهن. پاڪستان ڪرڪيٽ بورڊ (پي سي بي) انٽرنيشنل ڪرڪيٽ ڪائونسل (آءِ سي سي) ۽ ڀارتي ڪرڪيٽ بورڊ (بي سي سي آءِ) کي ورلڊ ڪپ جي سيمي فائنل ميچ جي حوالي سان پنهنجا مطالبا پورا ڪرڻ تي راضي ڪري ورتو آهي. سيڪيورٽي خدشن سبب پاڪستان ورلڊ ڪپ جي ميچ ممبئي ۾ کيڏڻ تي راضي نه ٿيو هو، اهڙو فيصلو آءِ سي سي عملدارن کي پنهنجي تازي لاهور دوري دوران ٻڌايو.
آءِ سي سي 2023ع جي ورلڊ ڪپ لاءِ شيڊول جو اعلان ڪندي ممبئي ۽ ڪولڪتا کي سيمي فائنل ميچن لاءِ وينجن جو نالو ڏنو پر جيڪڏهن ڀارتي ڪرڪيٽ ٽيم سيمي فائنل لاءِ ڪواليفائي ڪري ٿي ته اها ممبئي ۾ کيڏي ويندي، جڏهن ته جيڪڏهن پاڪستان ڪواليفائي ڪري ٿو ته اها ميچ ممبئي ۾ نه کيڏي ويندي. سيمي فائنل لاءِ اهي ڪولڪتا ۾ ويندا. پاڪستان ۽ ڀارت وچ ۾ سيمي فائنل جي صورت ۾ اها ميچ ممبئي بدران ڪولڪتا جي ايڊن گارڊن ۾ کيڏي ويندي. ٻئي طرف ممبئي کان علاوه پاڪستان به سڪيورٽي سبب احمد آباد ۾ کيڏڻ تي تحفظات جو اظهار ڪيو آهي. جڏهن ته، بي سي سي آئي ۽ پي سي بي ايشيا ڪپ هائبرڊ ماڊل کي قبول ڪرڻ تي اتفاق ڪيو.
