پاڪستان جي اڳوڻي ٽيسٽ ڪرڪيٽر سرفراز نواز نگران وزيراعظم انوار الحق ڪاڪڙ کي پي سي بي جي معاملن ۾ مداخلت ڪرڻ جي اپيل ڪري ڇڏي آهي. ميڊيا مطابق پي سي بي مينيجمينٽ ڪاميٽي جي چيئرمين ذڪا اشرف کي هٽائڻ جي افواهن ۽ آئي پي سي پاران نمائندو پي سي بي ۾ مقرر ڪرڻ جي مطالبي بعد سرفراز نواز وزيراعظم کي خط لکي مداخلت جي اپيل ڪئي آهي. سرفراز نواز لکيل خط ۾ چيو آهي تھ آئي پي سي اليڪشن ڪميشن کي ڪجهه نوٽيس موڪليا آهن، جنهن ۾ چيئرمين پي سي بي مينيجمينٽ ڪاميٽي جي مقرري سياسي ڄاڻائي هٽائڻ جو چيو آهي ۽ وزارت آئي پي سي پنهنجو نمائندو پي سي بي ۾ مقرر ڪرڻ جو مطالبو ڪيو آهي. هن لکيو تھ پي سي بي مينيجمينٽ ڪاميٽي جي چيئرمين جي مقرري سياسي بنيادن تي ناهي، اسان جي حمايت ذڪا اشرف سان آهي، وزيراعظم اوهان نوٽيس وٺي معاملن کي ڏٺو وڃي.
