ٽنڊوآدم: ٽنڊوآدم لڳ ٽرڪ ۽ چنگچي رڪشا ۾ ٽڪر ٿيڻ سبب معصوم نينگري فوت ٿي وئي. ٽنڊوآدم با پاس تي سيٽلائيٽ ٽائون وٽ تيز رفتار ٽرڪ ۽ چنگچي رڪشا ۾ ٽڪر ٿي پيو، جنھن جي نتيجي ۾ چنگچي رڪشا ۾ سوار 6 سالن جي معصوم نينگري صدف ڌي گلنواز ٿڏي تي فوت ٿي وئي. حادثي ۾ سائرا، ربنواز ۽ غلام نبي سميت 4 ماڻهو زخمي ٿي پيا، فوتي نياڻي جو لاش ۽ زخمين کي تعلقي اسپتال آندو ويو، جتان ضروري ڪارروائي کانپو لاش وارثن حوالي ڪيو ويو، جيڪو گهر آندو ويو ته ڪهرام مچي ويو. ٻئي پاسي عورت سائرا کي ڳڻتي جوڳي حالت ۾ ايل ايم يو حيدرآباد نيو ويو.
