دبئي: آءِ سي سي ايوارڊز لاءِ ووٽنگ جو مرحلو شروع ٿي ويو آهي ۽ پهرئين مرحلي ۾ تماشائي ڪرڪيٽر آف دي ايئر جي چونڊ ڪندا جڏهن ته ٻه پاڪستاني ڪرڪيٽر به مقابلي ۾ شامل آهن. آءِ سي سي ڪرڪيٽر آف دي ايئر ايوارڊ لاءِ ووٽنگ شروع ٿي وئي آهي، انٽرنيشنل ڪرڪيٽ ڪائونسل جي ويب سائيٽ تي سر گيري فيلڊ سوبرز ٽرافي لاءِ پنهنجي پسنديده ڪرڪيٽر جي چونڊ ڪئي وئي آهي.
ڪرڪيٽر آف دي ايئر ايوارڊ لاءِ 4 رانديگرن کي نامزد ڪيو ويو آهي، جن ۾ ٻه پاڪستاني ڪرڪيٽر فاسٽ بالر شاهين شاهه آفريدي ۽ وڪيٽ ڪيپر محمد رضوان، انگلينڊ جو جو روٽ ۽ نيوزيلينڊ جو ڪين ويليمسن شامل آهن. سڀ کان وڌيڪ ووٽ حاصل ڪندڙ ڪرڪيٽر کي انعام ڏنو ويندو.
