عالمي برادري افغان عوام کي انساني رليف فراهم ڪري:وزيراعظم

اسلام آباد : وزيراعظم عمران خان چيو آهي ته عالمي برادري جي اها ذميواري آهي ته اها افغان عوام کي فوري انساني ريليف فراهم ڪري جيڪا غذائي کوٽ جي ويجهو آهي. ڪالهه ڇنڇر ڏينهن پنهنجي ٽوئيٽ ۾ هن چيو ته عالمي برادري جي لاءِ اهو فوري نوعيت جو معاملو آهي ۽ گڏيل قومن جي متفقه طور تي اختيار ڪيل پرنسپل آف ريسپانسبلٽي ٽو پروٽيڪٽ (پي 2 پي) تحت غذائي کوٽ جي شڪار لکين افغانين کي فوري انساني ريليف جي فراهمي ان جي ذميواري آهي.