ڪراچي: اڳوڻو برطانوي فٽبالر مائيڪل اوون ٽن ڏينهن جي دوري تي پاڪستان پهچي ويو آهي. ذريعن موجب مائيڪل اوون سڀاڻي 26 جنوري تي ڪراچي ۾ پاڪستان جي پهرين اين اي ڊي فٽبال گرائونڊ جو پيڙهه جو پٿر رکندو. مائيڪل اوون پاڪستان جي ٽن ڏينهن واري دوري دوران فٽبال مداحن جي گھر لياري جو دورو ڪندو ۽ 27 جنوري تي پاڪستان سپر ليگ (پي ايس ايل) 7 جي افتتاحي تقريب ۾ پڻ شرڪت ڪندو.
ٻڌايو پيو وڃي ته اڳوڻو برطانوي فٽبالر ان دوران وزيراعظم عمران خان ۽ سندس خاص مددگار عثمان ڊار سان پڻ ملاقات ڪندو. هو آرمي چيف سان به ملاقات ڪندو ۽ صدر ڊاڪٽر عارف علي جي طرفان ڏنل اعليٰ سطحي صدارتي استقباليه ۾ به شرڪت ڪندو. ٻئي طرف پنهنجي پاڪستان جي دوري جو حوالو ڏيندي مائيڪل اوون هڪ بيان ۾ چيو آهي ته مان پاڪستان ۾ فٽبال ٽرانسفارميشن جي سڀ کان وڏي پروگرام جي اڳواڻي ڪندي تمام گهڻو پرجوش آهيان.
