پيپلز پارٽي طرفان اسٽيٽ بينڪ ترميمي بل چئلينج ڪرڻ جو فيصلو

اسلام آباد: پيپلز پارٽي اسٽيٽ بينڪ ترميمي بل کي عدالت ۾ چئلينج ڪرڻ جو فيصلو ڪري ورتو آهي. ان ڏس ۾ پ پ چيئرمين بلاول ڀٽو زرداري چيو آهي ته حڪومت دوکي سان بل منظور ڪرايو، اسٽيٽ بينڪ بابت بل کي تسليم نٿا ڪيون. ذريعن موجب اسٽيٽ بينڪ ترميمي بل کي عدالت ۾ چئلينج ڪرڻ لاءِ بلاول ڀٽو زرداري اعتزاز احسن ۽ لطيف کوسا سان صلاح مشورو ڪندو. پ پ چيئرمين موجب اسٽيٽ بينڪ ترميمي بل قومي سلامتي جي خلاف آهي، تڪراري بل کي ڪنهن به صورت ۾ قبول نٿا ڪري سگهون.