اسلام آباد:حڪومتي اتحاد ۾ شامل ايم ڪيو ايم پاڪستان جي وفد اپوزيشن اتحاد جي سربراهه مولانا فضل الرحمان سان ملاقات ڪئي. ڪالهه اسلام آباد ۾ ايم ڪيو ايم پاڪستان جي اڳواڻن سان گڏ ميڊيا سان ڳالهائيندي مولانا فضل الرحمان چيو ته چئن سالن ۾ ثابت ٿي ويو ته ملڪ پوئتي وڃي رهيو آهي، هن حڪومت جو بار ڪير نه کڻي سگهندو. فضل الرحمان چيو ته حڪومتي اتحادي پارٽين کي اسان خير خواهي جو پيغام ڏئي سگهون ٿا، فيصلو کين پاڻ ڪرڻو آهي. جي يو آءِ سربراهه چيو ته سموري قوت سان مڪاني چونڊون وڙهڻ چاهيون ٿا ته جيئن انهن کي شڪست ڏئي سگهون.
