سکر ۾ باگڙجي ڪچي جي ڳوٺ ڏينگڙو ۾ زمين جي تڪرار ۽ وڻن جي واڍي تان ڀائرن ۾ جهيڙُو ٿي پيو، جنهن ۾ گوليون لڳڻ سبب هڪ عورت سميت 6 ڄڻا قتل ٿي ويا. خبر موجب سکر ۾ تماچاڻي ٿاڻي جي حد ۾ باگڙجي ڪچي جي ڳوٺ ڏينگڙو ۾ ٻن ڀائرن غلام شبير ۽ غلام فاروق پنهنجي حمايتين سان گڏ پنهنجن سڳن ڀائرن مٿان حملو ڪري ڏنو، جنهن ۾ 3 سڳا ڀائر غلام اڪبر شيخ، غلام نبي شيخ، غلام محمد شيخ ۽ ٽريڪٽر ڊرائيور پرويز ۽ اويس قتل ٿي ويا. جڏهن ته غلام اڪبر جي زال نسرين به گولين جو کاڄ بڻجي وئي. پنجن ڀائرن جي ٻن گروپن غلام شبير، غلام فاروق ۽ غلام اڪبر، غلام نبي ۽ غلام محمد شيخ ۾ ورثي ۾ مليل زمين جي مالڪي تان تڪرار هلندڙ هو،
