نئون ڪوٽ لڳ ٻڪري چوري، شڪ ۾ 2 ماڻهو گرفتار

نئون ڪوٽ: نئون ڪوٽ لڳ ڳوٺ امين جسڪاڻي ۾ امين جسڪاڻي جي ٻڪري چوري ٿي وئي، ڳوٺاڻن چندو ڪري کوجي ڪتا گھرايا، جيڪي هريجن ڪالوني ۾ ڀيلن جي گھر پهتا، نئون ڪوٽ پوليس شڪ جي بنياد تي ٻن ماڻهن کي گرفتار ڪري ورتو. ان سلسلي ۾ وفا علي حيدر جسڪاڻي، شبير جسڪاڻي، سلطان جسڪاڻي، امين ۽ ٻين چيو ته پوليس چوي ٿي ته توهان ڪتن کي گھرائي 30 هزار رپيا ڏنا ۽ ٻڪري به نه ملي، اهي پئسا اسان کي ڏيو ها ته ٻڪري ملي وڃي ها.