قانوني ڪارروائي جو جواب بدمعاشي سان نٿو ڏئي سگهجي: شهباز گل

سينيئر صحافي محسن بيگ جي گرفتاري واري معاملي تي معاون خصوصي ڊاڪٽر شهباز گل نجي ٽي وي سان ڳالهائيندي چيو ته افسوسناڪ واقعو پيش آيو آهي، قانوني ڪارروائي جو جواب بدمعاشي سان نٿو ڏئي سگهجي، هن چيو ته محسن بيگ پاڻ ڪميشن کائڻ لاءِ آيو هو، هن وزيراعظم کي روسي ڪمپني سان معاهدو ڪرڻ جي سفارش ڪئي هئي ۽ چيو هو ته هو ايتري رقم ڏيندئو ته ميڊيا کي پيرن هيٺان ڪري ڇڏيندس پر وزيراعظم هن جي آڇ رد ڪري ڇڏي هئي.