مسوڀرڳڙي: مسوڀرڳڙي ۽ ڀرپاسي جي علائقن ۾ هلندڙ سال انبن جا باغ ڀرپور نموني ٻورجي ويا آھن، جنھن سبب آبادگارن ۾ خوشي جي لھر ڇانيل آھي، آبادگارن محبوب علي جکرو، زمان ڪيريو، غلام قادر جکرو ۽ ٻين ميڊيا کي ٻڌايو ته هلندڙ سال باغن ۾ ساهه آھي ۽ بھار به وقتائتي آئي آھي ۽ انبن ٻور به سٺو جھليو آھي، اميد ته اڳتي به الله سائين سڻائي ڪندو.
ھنن چيو ته گذريل سال طوفان ۽ لاڪ ڊائون انبن جي ايڪسپورٽ کي به سخت نقصان پهچايو ھو، جنھن سبب باغائي سخت متاثر ٿيا ھئا. ھنن چيو ته سرڪار کي باغائين جي سار لھندي سندن پرگھور لهڻ گھرجي.
