ڪوٽڙي ۾ عورت سميت چئن ٻارن کي گم ڪرڻ خلاف مظاهرو

ڪوٽڙي: سيتا جي رھواسين عورتن ۽ مردن ڊسٽرڪٽ پريس ڪلب ڪوٽڙي آڏو عورت ۽ چئن ٻارن کي گرفتار ڪري گم ڪرڻ خلاف احتجاجي مظاهرو ڪيو. ان موقعي تي گلزار چوھاڻ ۽ ٻين دانھيندي چيو ته حيدرآباد پوليس اٽالن اسان گھرن تي چڙھائي ڪري عورت حسينا چوھاڻ کي چئن ٻارن سميت گرفتار ڪري گم ڪري ڇڏيو آھي، جنهن کي چار ڏينهن گذرڻ باوجود ظاهر نه ڪيو ويو آهي. هنن اختيارين کان گهر ڪئي ته عورت سميت ٻارن کي آزاد ڪيو وڃي.