عمرڪوٽ/صوفي فقير: صوفي فير ۾ صوفي فقير اسٽاپ ويجهو تيز رفتار مسافر اي سي ڪوچ موٽرسائيڪل کي بچائيندي ڪلٽي ٿي پئي، جنهن سبب 14 مسافر زخمي ٿي پيا، زخمين ۾ ارباب علي چنڊ، محمد مٍشتاق غوري، قربان علي نهڙي، وجئه ڪمار، پرڪاش جوڳي، محسن قائم سميجو، حمل راڄڙ، علي حسن، دليپ ڪمار ۽ ٻيا شامل آهن، جن کي علائقي واسين ۽ صوفي فقير پهچي کڻايو ۽ مقامي اسپتال منتقل ڪيو، جتان 3 زخمين پرڪاش پٽ بنو جوڳي، راجا پٽ فقيرو ۽ دليپ پٽ ڪرشن کي ڳڻتي جوڳي حالت ۾ حيدرآباد ريفرر ڪيو ويو، جتي ميرپوخاص جي رهواسي پرڪاش ولد بنو جوڳي زخمن جا سور نه سهندي حيدرآباد سول اسپتال ۾ فوت ٿي ويو. هوڏانهن رهواسين ٻڌايو ته حادثو موٽرسائيڪل کي بچائيندي ڪوچ جي تيز رفتاري سبب پيش آيو.
