ميرپورخاص: محتسب جي آفيس ۾ سڀ کان وڌيڪ حيسڪو، نادرا ۽ سئي گئس جي ادارن خلاف شڪايتون ملن ٿيون. اھڙين ڳالھين جو اظهار وفاقي محتسب ريجنل ھيڊ ساغر حسين زيدي ميرپورخاص ۾ نادرا سينٽر جو دورو ڪرڻ بعد پنھنجي آفيس ۾ حيسڪو ۽ نادرا بابت شھرين جون شڪايتون ٻڌڻ بعد ميڊيا سان ڳالهائيندي ڪيو. ھن وڌيڪ چيو ته ريجن جي تمام ضلعن ۾ پھچي وفاقي ادارن بابت شھرين جي شڪايتن کي معلوم ڪرڻ بعد واسطيدار اختيارين کي شڪايتن جي ازالي جون ھدايتون ڏنيون وڃن ٿيون. ھن چيو ته صوبي ۾ وفاقي محتسب جون ٽي ريجنون آھن، جن ۾ ڪراچي، حيدرآباد ۽ سکر ريجن شامل آهي.
