حيدرآباد: حيدرآباد ۾ ڇلگري ٿاڻي جي حد جي ڳوٺ شاه بخاري ۾ کوسو برادري جي ٻن ڌرين ۾ جهيڙو، سڱاوتي تڪرار تان نوجوان قتل، سندس پي ۽ ڀاءِ زخمي ٿي پيا، قتل ڪيس داخل نه ٿيو. خبر موجب حيدرآباد ويجهو ڳوٺ شاهه بخاري ۾ ٻن ڌرين وچ ۾ پراڻي سڱاوتي تان جهيڙو ٿي پيو. جنهن ۾ فائرنگ دوران 22 ورهين جي جعفر پٽ رمضان کوسو قتل ٿي ٿي ويو. قتل واقعي بعد ڳوٺ ۾ خوف ڦهلجي ويو. مقتول جو لاش سول اسپتال آندو ويو.
قانوني ڪارروائي دوران لاش وارث کڻائي ويا. جڏهن ته گوليون لڳڻ دوران قتل ٿيل نوجوان جو پي رمضان کوسو ۽ ڀا حنيف کوسو زخمي ٿي پيا آهن. جن کي سول اسپتال ۾ داخل ڪيو ويو آهي. پوليس ٻڌايو ته ڌرين ۾ سڱاوتي تڪرار تان جهيڙو ٿيو آهي. اڃا قتل ڪيس داخل نه ٿيو آهي.
