اسلام آباد: وزيراعظم عمران خان خلاف ايف آءِ اي جي سائبر ڪرائم ونگ ۾ پريوينشن آف اليڪٽرانڪ ڪرائم ايڪٽ (پيڪا) جي مبينا ڀڃڪڙي تي لکت واري درخواست جمع ڪرائي وئي آهي. پ پ ايم اين اي قادر مندوخيل جي ڀاءَ مسعود خان مندوخيل وزيراعظم خلاف درخواست جمع ڪرائي آهي. درخواست ۾ چيو ويو آهي ته عمران خان، آصف زرداري ۽ بلاول خلاف نازيبا ۽ ڌمڪي جهڙا بيان ڏنا، وزيراعظم جو بيان پيڪا جي سيڪشن 11 جي زمري ۾ اچي ٿو. درخواست موجب بيان موجوده حڪومت جي پيڪا آرڊيننس جي ڀڃڪڙي آهي، سپريم ڪورٽ ۽ سنڌ هاءِ ڪورٽ جو چيف جسٽس ان معاملي تي پاڻمرادو نوٽيس وٺن.
