مقصودو رند: سائيڪل تي سفر ڪري سڄي دنيا جو چڪر لڳائيندڙ جرمني جو شھري ميڪس سنڌ جي مختلف شهرن مان ٿيندو مقصودورند پھتو. ان موقعي تي نيشنل پريس ڪلب مقصودو رند ۾ ھن ميڊيا سان ڳالهائيندي چيو ته مان سائيڪل تي دنيا جي مختلف ملڪن ترڪي، گريس، بوسينيا، البانيا، ايران ۽ ٻين ملڪن مان ٿيندو، ايراني بارڊر تفتان کان بس تي سفر ڪندي بلوچستان جي شھر ڪوئٽه پھتس.
جنھن بعد سنڌ پھتس ۽ سنڌ جي مختلف شھرن ڪراچي، ٺٺو، حيدرآباد ۽ ٻين شھرن مان ٿيندو مقصودورند پھتو آھيان، ھتي پھچي مون کي تمام گھڻو پيار مليو ۽ اجرڪن جا تحفا مليا ۽ سنڌ جا ماڻھو مھمان نواز آھن ۽ پيارا آھن. ھن چيو ته ھتان ٿيندو نوابشاھه ويندس جتان سکر ۽ بعد ۾ پاڪستان جو چڪر ھڻي واپس پنھجي ڏيھه ويندس. ھن وڌيڪ چيو ته پاڪستان ۾ مليل محبت ڪڏھن به نه وساريندس.
