حيدرآباد: جسقم چيئرمين جي گهر تي چڙهائي خلاف مختلف شهرن ۾ احتجاجي مظاهرا، سخت لفظن ۾ مذمت تفصيل موجب ٽنڊو محمد خان ۾ ظهور هاليپوٽو، جاويد هاليپوٽو، ڪوٽڙي ۾ جسقم چيئرمين صنعان خان قريشي جي گهر تي چڙهائي خلاف ديدار شام، طارق سومرو، خالق پنھور، نوابشاهه ۾ هاشم لغاري، امداد لغاري، ميرو خان ۾ صوبدار جتوئي، ابوبڪر تنيو، لاڙڪاڻي ۾ عزيز الرحمٰن شيخ، اشرف ڪلهوڙو، رتوديرو ۾ آصف اوڍو، اڪرم ڀٽي، سڪرنڊ ۾ مسعود شاهھ، خير محمد لاکو ۽ مورو ۾ امين ڪلھوڙو ۽ قربان ڇڄڙو جي اڳواڻي ۾ احتجاجي مظاهرا ڪري ڌرڻا هنيا. احتجاج دوران سنڌ حڪومت ۽ پوليس خلاف ڇتي نعريبازي ڪئي وئي. ان موقعي تي اڳواڻن چيو ته جسقم چيئرمين صنعان قريشي جي گهر تي چڙهائي ڪري حراسان ڪرڻ بند ڪيو وڃي، سنڌين جي حقن جي ڳالهه ڪرڻ تان گهر تي چڙهايون ڪيون پيون وڃن، جنهن جي سخت لفظن ۾ مذمت ڪريون ٿا، ناانصافي بند نه ڪئي وئي ته احتجاج جاري رهندو.
