هالا: ايس ايس پي مٽياري محمد ڪليم ملڪ جي ھدايت تي ڊي ايس پي ھالا عارف احمد ڀٽي جي نگراني ۾ ايس ايچ او ھالا ذوالفقار اوڍاڻو پوليس جي وڏي اٽالي سان قومي شاهراهه شھدادپور چوڪ تي صادق آباد کان حيدرآباد ايندڙ مسافر ڪوچ کي روڪي، شڪي عورت جي تلاشي ورتي، جنهن دوران پوليس عورت جي پرس مان مبينا 5 ڪلو ھيروئن ھٿ ڪرڻ جي دعوى ڪئي آھي، شروعاتي جاچ ۾ عورت پروين جي نشاندھي تي ھالا شھر ۾ واقع ڪي ڪي سي اين جي وٽ موجود عبدالجبار سولنگي کي به گرفتار ڪيو ويو آهي.
ڊي ايس پي ھالا عارف احمد ڀٽي پريس ڪانفرنس ڪندي ٻڌايو ته مذڪوره ڏوھاري ڪافي وقت کان منشيات جي اسمگلنگ ۽ واپار ۾ ملوث آھن، وڌيڪ جاچ جاري آھي. ھن چيو ته جوابدارن خلاف منشيات ايڪٽ تحت ڪيس داخل ڪيو ويو آھي، ان موقعي تي ايس ايڇ او ھالا ذوالفقار اوڍاڻو، عثمان سھتو، شوڪت ملوڪاڻي ۽ ٻيا موجود ھئا.
