بلاول ڀٽو ۽ شهباز شريف ۾ ٽيليفونڪ رابطو،عدم اعتماد تي ڳالهيون

اسلام آباد :پ پ چيئرمين بلاول ڀٽو زرداري ۽ ن ليگ صدر شهباز شريف اتفاق ڪيو آهي ته عمران خان ۽ ان جي ساٿين کي ڀڄڻ نه ڏينداسين.
بلاول ڀٽو زرداري ۽ شهباز شريف وچ ۾ ٽيليفونڪ رابطو ٿيو، جنهن دوران بي اعتمادي رٿ کي ڪامياب بڻائڻ جي حوالي سان خيالن جي ڏي وٺ ڪئي وئي. پ پ چيئرمين چيو ته بي اعتمادي کي منهن ڏيڻ بدران حڪومت جا دير جا حربا برداشت جوڳا ناهن، اپوزيشن عمران خان جي معاشي ڏوهن کي معاف نه ڪندي، عمران خان ۽ ان جي ساٿين کي ڀڄڻ نه ڏينداسين.