اسلام آباد :وفاقي حڪومت جي اتحادي گرينڊ ڊيموڪريٽڪ الائنس (جي ڊي اي) طرفان وزيراعظم جي حمايت جو اعلان ڪيو ويو آهي. ان ڏس ۾ ڪالهه آچر ڏينهن پريڊ گرائونڊ اسلام آباد ۾ پاڪستان تحريڪ انصاف جي امر بالمعروف جلسي کي خطاب ڪندي جي ڊي اي اڳواڻ ۽ وفاقي وزير ڊاڪٽر فهميدا مرزا چيو آهي ته اسان حڪومت جي حمايت ڪريون ٿا. سنڌ ۾ بدترين حڪمراني آهي، هتي سول ڊڪٽيٽرشپ آهي. سنڌ ۾ بلوچستان کان وڌيڪ احساس محرومي آهي. 14 سالن ۾ عوام کي پيئڻ جو صاف پاڻي به نه ملي سگهيو آهي. اسان ڪابينا جو حصو آهيون، اسان اصولي طور حڪومت سان گڏ آهيون.
