ٿرڙي محبت ۾ گهر کي باهه، موٽرسائيڪل ۽ ٻڪريون سڙي ويون

ٿرڙي محبت: ٿرڙي محبت ڀرسان ڳوٺ ماڻڪاڻي ۾ پورهيت سڌير خاصخيلي جي گهر کي باهه لڳي وئي، جنهن سبب گهر ۾ بيٺل موٽرسائيڪل، نياڻي جو ڏاج ۽ ٻيو کاڌ خوراڪ جو سامان سامان سڙي رک ٿي ويو، جڏهن ته ٽي ٻڪريون به سڙي مري ويون. ان حوالي سان متاثر گهر ڌڻي ٻڌايو ته اطلاع باوجود فائربرگيڊ نه پهتي، جنهن سبب گهر سڙي ويو آهي، ڳوٺاڻن پنهنجي مدد پاڻ باهه تي ضابطو آندو. متاثر چونڊيل نمائندن ۽ ٻين کان سهائتا جي اپيل ڪئي.