مورو لڳ موٽرسائيڪل اٺ گاڏي سان ٽڪرائجي ويو، نوجوان فوت

مورو: مورو ويجھو مناھي وٽ تيز رفتار موٽرسائيڪل جو اٺ گاڏي سان ٽڪر ٿي پيو، جنھن جي نتيجي ۾ موٽرسائيڪل سوار انورالدين ملاح سخت زخمي ٿي پيو، جنھن کي نازڪ حالت ۾ تعلقي اسپتال مورو پھچايو ويو، جتي ڊاڪٽرن سندس موت جي تصديق ڪئي، ضروري ڪاروائي بعد لاش وارثن حوالي ڪيو ويو، جيڪو گهر پهچڻ تي ڪهرام مچي ويو. درس پوليس واقعي جي رپورٽ داخل ڪري اٺ مالڪ کي گرفتار ڪري ورتو.