مٺي: مٺي تعلقي جي ڳوٺ ڪڪراڙيو ۾ 15 سالن جي نينگري منشيا ڌي ليلو ميگهواڙ کوھه ۾ ٽپو ڏئي خودڪشي ڪري ڇڏي، واقعي سبب علائقي ۾ سوڳ جي لهر ڇائنجي وئي ۽ گهر ۾ قهرام مچي ويو. وارثن موجب نينگري معمولي ڳالهھ تان گهرڀاتين سان ڪاوڙجي کوھه ۾ ٽپو ڏنو آھي، پر ڳوٺ ۾ مختلف افواهه هلي رهيا هئا. اطلاع بعد مٺي پوليس واقعي واري هنڌ پهچي لاش کوهه مان ٻاهر ڪڍي سول اسپتال آندو، جتان ضروري ڪارروائي بعد لاش وارثن حوالي ڪيو ويو. پوليس موجب نينگري جي واقعي کي وارث خودڪشي قرار ڏين پيام ان باوجود جاچ ڪئي ويندي، جيستائين جاچ نه ٿيندي، تيستائين ڪارڻ معلوم ٿي نه سگهندو.
