چيلهار ۾ والدين جو پٽ جي ظلمن خلاف احتجاج

چيلھار: چيلهار جي مين پاڙي جي رهواسي پيرسن پرتاب ۽ سندس زال ديوي ميگھواڙ پنهنجي پٽ جي ظلمن خلاف احتجاج ڪيو. هنن چيو ته پٽ شروڻ خبر ناھي ڪن ماڻھن جي چوڻ تي لڳي اسان تي مسلسل تشدد ڪندو رهي ٿو، جنهن سبب اسان جو جيئڻ به جنجال بڻجي ويو آهي، اسان والدين هئڻ جي ناتي گهڻو وقت برداشت ڪيو، پٽ گهر ۾ پيل سمورو سامان وڪڻي ڇڏيو آهي، اڳ ھن کي پلاٽ ڏنو، اھو به ھن وڪڻي کائي ڇڏيو، هاڻ اسان کي گهر ۾ به رهڻ نٿو ڏي، سخت پريشان آهيون. اسان سان انصاف ڪيو وڃي.