شيخ ڀرڪيو: پٻڻ ٿاڻي جي حد بلوري شاخ وٽ ٽريڪٽر ٽرالي جو موٽرسائيڪل سان ٽڪر ٿي پيو، جنهن سبب 17 سالن جو ڇوڪرو عبدالجبار شيخ فوت ٿي ويو. ٻئي پاسي منگواڻا اسٽاپ وٽ حيدرآباد-شيخ ڀرڪيو روڊ تي مٽي کڻندڙ ڊمپر ڊرائيور غفلت ڪندي اڳيان ويندڙ سوزوڪي کي ٽڪر هڻي ڪڍيو، جنهن جي نتيجي ۾ سوزوڪي تي پٺيان ويٺل نورو ٻوڙاڻو جون ٻئي ٽنگون ڀڄي پيون. سوزوڪي ۾ ويٺل هڪ ٻيو پيسينجر پڻ زخمي ٿي پيو، ٻنهي زخمين کي شديد زخمي حالت ۾ سول اسپتال حيدرآباد موڪليو ويو، اسٽاپ تي بيٺل ڳوٺاڻن ڊمپر ڊرائيور کي پڪڙي پٻڻ پوليس حوالي ڪري ڇڏيو.
