ميرپورخاص: زميندار جي مبينا زيادتين کان تنگ ٿي ڪورٽ معرفت آزادي ماڻيندڙ ھاري خاندان جا بااثر زميندار پاران ٻن ڄڻن کي مبينا گم ڪري ڇڏيو ميرپورخاص ۾ متاثر خاندان جي عورتن، مردن ۽ ٻارن زميندار جي زيادتين خلاف عدالت ٻاهران احتجاجي مظاهرو ڪري نعريبازي ڪئي. ڳوٺ سيري فارم واسي ڀاولو ڪولھي، ميران، ليلان ۽ ٻين صحافين اڳيان دانهيندي چيو ته زميندار اجي ڪمار وٽ ھارپو ڪندا ھئاسين، جتي پورھئي جو اجورو نه ملڻ سبب ۽ ھٿيارن جي زور تي ڪم وٺڻ سميت ٻين ظلمن کان تنگ ٿي عدالت ۾ درخواست ڏني، عدالتي حڪم بعد زميندار اجي، ڪمدار ۽ سندس ٻين ماڻهن اسان جي گھر تي ڪاھه ڪري چوپائي مال سميت سمورو سامان قبضي ۾ وٺي ڇڏيو، بااثر زميندار اسان جي ھمراھه جيمل ۽ سندس پٽ کي اغوا بعد گم ڪري ڇڏيو آهي، اسان اھڙي درخواست عدالت ۾ پڻ ڏني. ھاري خاندان چيو ته خدشو آهي ته ٻنهي پي پٽ کي ڪوڙن ڪيسن ۾ ڦاسائڻ سميت قتل ڪيو ويندو. متاثر ھاري خاندان واسطيدار اختيارين کان مطالبو ڪيو ته بااثر زميندار جي زيادتين جو نوٽيس وٺي ڪارروائي ڪري پي پٽ کي بازياب ڪرائي انصاف فراهم ڪيو وڃي.
