بلاول ڀٽو کي پرڏيهي وزير بڻائڻ جي منظوري، اڄ حلف کڻندو

ڪراچي: پيپلزپارٽي جي سينٽرل ايگزيڪيوٽو ڪميٽي (سي اي سي) بلاول ڀٽو زرداري جي پرڏيهي وزير بڻجڻ جي منظوري ڏئي ڇڏي. ذريعن جو چوڻ آهي ته بلاول ڀٽو زرداري اڄ منجهند اڍائي وڳي پرڏيهي وزير جو حلف کڻندو. واضح رهي ته وزيراعظم شهباز شريف جي ڪابينا اڳ ئي حلف کڻي چڪي آهي ۽ پرڏيهي وزارت جي قلمدان تي بلاول جي راضپي جو انتظار هو. بلاول ڪجهه ڏينهن اڳ لنڊن ۾ اڳوڻي وزيراعظم نواز شريف سان ملاقات به ڪئي هئي.