قومي اسيمبلي جي اسپيڪر کي حمزا شهباز کان اڄ حلف وٺڻ جو حڪم

لاهور: لاهور هاءِ ڪورٽ قومي اسيمبلي جي اسپيڪر کي پنجاب جي وڏي وزير کان حلف وٺڻ جو حڪم ڏئي ڇڏيو. عدالت فيصلي ۾ چيو ته قومي اسيمبلي جو اسپيڪر 30 اپريل جو صبح جو ساڍي 11هين وڳي حمزا شهباز کان حلف وٺندو. لاهور هاءِ ڪورٽ جي جسٽس جواد حسن حمزا شهباز جي حلف برداري لاءِ داخل ڪيل ٽئين درخواست تي فيصلو ٻڌايو. نئين چونڊيل پنجاب جي وڏي وزير حمزا شهباز جي حلف وٺڻ لاءِ ٽئين درخواست تي لاهور هاءِ ڪورٽ جي جسٽس جواد فيصلو ٻڌائيندي قومي اسيمبلي جي اسپيڪر کي حمزا شهباز کي حلف کڻائڻ جو حڪم ڏنو.