حرن جو روحاني پيشوا ۽ جي ڊي اي سربراهه پيرپاڳارو پير جو ڳوٺ پهچي ويو،عيد ڏينهن اجتماع ٿيندو

حر جماعت جو روحاني پيشوا، جي ڊي اي ۽ مسلم ليگ فنڪشنل جو سربراهه پير سيد صبغت الله شاهه پير پاڳارو عيدالفطر جي عيد ملهائڻ لا ڪراچي کان ڳوٺ درگاهه شريف پير جو ڳوٺ پهچي ويو. پيرپاڳارو ڪجهه ڏينهن پير جو ڳوٺ ۾ قيام ڪندو. پير پاڳارو عيدالفطر جي موقعي تي خانداني روايتن مطابق شاهي لباس ڪوٽ ڪلنگي پهري حر جماعت ۽ عقيدتمندن جي وڏي اجتماع کي ديدار ڪرائيندو ۽ روحاني خطاب پڻ ڪندو. ياد رهي ته ڪرونا وبا کانپو حرجماعت جو گهڻي وقت بعد اجتماع ٿيندو.