ننگرپارڪر: ننگرپارڪر لڳ ڳوٺ مٺڙي ۾ 22 ورهين جي ڌنار سريش پٽ رامون مل ميگھواڙ جھنگ ۾ ڪنڊي جي وڻ ۾ اڳٺ ٻڌي ڦاهو کائي زندگي جو ڏيئو اجھائي ڇڏيو. نوجوان ڳوٺ پاٻاسرو جو رھواسي ھو ۽ غيرشادي شده ھو. اطلاع ملڻ تي ڏانوڌاندل پوليس واقعي واري هنڌ پهچي لاش پوسٽ مارٽم لا تعلقي اسپتال ننگرپارڪر آندو.
جتان پوسٽ مارٽم ۽ ضروري ڪارروائي بعد لاش وارثن حوالي ڪيو ويو. پوليس موجب وارثن جو چوڻ آهي ته نوجوان ڳوٺ ساڪري ۾ مال چاريندو هو ٻه ڏينهن اڳ سندس ڳوٺ پاٻاسرو ويو جتان واپسي بعد ڳوٺ مٺڙي وٽ خودڪشي ڪئي آهي، نوجوان بيروزگاري جي ڪري اڪثر پريشان رهندو هو.
