ڪراچي :سنڌ جي وڏي وزير سيد مراد علي شاھه جي صدارت هيٺ صوبي ۾ سيڙپڪاري بابت اجلاس ٿيو. اجلاس ۾ خاص مددگار قاسم نويد، چيف سڪرييٽري سهيل راجپوت، چيئرمين پي اينڊ ڊي حسن نقوي، وڏي وزير جو اسپيشل سيڪريٽري ۽ لاڳاپيل عملدار شريڪ ٿيا. اجلاس ۾ ڳالهائيندي وڏي وزير چيو ته سنڌ ۾ سيڙپڪاري جي وڏي گنجائش موجود آهي، سيڙپڪاري کاتو جن علائقن ۾ سيڙپڪاري جا موقعا موجود آهن، انهن کي هائي لائیٽ ڪري.هن چيو ته اسان کي ڪراچي ۾ ڪچري مان بجلي تيار ڪرڻ، ڊي سالینیيشن پلانٽ، پاڻي جي ورهاست جي منصوبن کي سيڙپڪاري لائي سامھون آڻڻو آهي. گورک هل، ڪیينجھر ڍنڍ ۽ ٿر ۾ سياحت لا سيڙپڪاري جا منصوبا سامھون آڻڻا آھن. وڏي وزير چيو ته اسان کي پنهنجي ميون، انب، کجور، زيتون ۽ ٻئي فروٽ کي پرڏيھه برآمد ڪرڻ لا ويلوئيشن ۾ وڃڻو آهي. اسان وٽ ٿر ۾ بجلي، ڪوئلي مان گیيس، ڪوئلي مان لیڪوئیڊ ۾ سيڙپڪاري جا گهڻا موقعا آهن. هن چيو ته اسان کي ايجوڪیشن سٽي ۾ دنیيا جي بهترين تعلیيمي ادارن کي آڻڻو آهي. سنڌ صوبي ۾ ڌاٻيجي اسپيشل اڪنامڪ زون جو زبردست مںنصوبو آهي، هن منصوبي ۾ سرمائيڪاري کي مدعو ڪرڻو آهي. وڏي وزير چيو ته سيڙپڪاري اچڻ سان روزگار جا موقعا پیيدا ٿيندا، مون کي خانگي شعبي کي مضبوط ۽ بهترين بنائڻو آهي. ٺٽي ۾ زرعي پاڻي جي کوٽ آهي، زرعي پاڻي جي کوٽ کي پورو ڪرڻ لا قدم کنيا وڃن. هن چيو ته سنڌ کي مجموعي طور تي پاڻي جي کوٽ کي منهن ڏيڻو پئجي رهيو آهي، جيڪو پاڻي سسٽم ۾ موجود آهي، ان جي منصفاڻي ورهاست ڪئي وڃي. احتجاج ڪندڙن سان ڳالهيون ڪري مسئلي کي حل ڪيو وڃي.
