فريدآباد: فريدآباد ۾ جميعت علما اسلام پاران فريدآباد جي 23 نوجوان استادن کي ميرٽ تي آفر آرڊر ملڻ جي خوشي ۾ استادن جي مان ۾ شاندار تقريب ڪوٺائي وئي. ان موقعي تي محقق جوهر بروهي، علي عباس چنا، قادر بخش چانڊيو، اسحاق چانڊيو، علي احمد بروهي، امداد ٻگهيو ۽ ٻين چيو ته ڪاڇي فريدآباد جي نوجوانن کان اُميد آهي ته نوجوان استاد ڪاڇي جي معصوم شاگردن ۽ شاگردياڻين کي بهتر تعليم ڏئي پٺتي پيل تعليم کي اجاگر ڪندا، تعليمي ادارن ۾ ايندڙ نوجوان استاد تعلمي ادارن ۾ بهترين سُڌارو آڻيندا. جڏهن ته آفر آرڊر ملندڙن استادن لطيف بروهي، بشارت ڏيرو، ذوهيب ٻگهيو، رسول بخش ڏيرو، خالد خاصخيلي، جڙيل چانڊيو، سرور چانڊيو، معشوق گائنچو، جاويد چانڊيو ۽ ٻين کي شيلڊون ڏنيون ويون.
