تلھار: تلھار ۾ پوليس جي وڏي نفري وارڊ نمبر هڪ ۾ ڳجهي اطلاع تي ھڪ گھر تي ڇاپو ھڻي وڏي مقدار ۾ ديسي گٽڪي جو ڪچو سامان ۽ تيار ٿيل 540 گٽڪا ۽ ٻي هنڌ تان 41 گرام ڀنگ ھٿ ڪرڻ جي دعوى ڪئي. ان سلسلي ۾ ايس ايڇ او تلھار سعيد احمد چنا صحافين سان ڳالھائيندي چيو ته ايس ايس پي بدين شاھنواز چاچڙ جي سخت ھدايتن بعد منشيات فروشن خلاف سخت ڪارروايون ڪري رھيا آھيون. بشير جتوئي ولد مبارڪ جتوئي ڪافي وقت کان لڪ چوري ۾ گٽڪو وڪرو ڪرڻ ۾ سرگرم ٿي ويو آھي، گذريل ڏينھن پڪي اطلاع تي بشير جتوئي جي گھر ۾ ڇاپو ھڻي وڏي مقدار ۾ ديسي گٽڪي جو ڪچو سامان ۽ تيار ٿيل 540 گٽڪا ھٿ ڪيا. نذير جتوئي وٽان 41 گرام ڀنگ هٿ آهي، ٻنهي کي گرفتار ڪري مٿن ڌار ڌار منشيات جا ڪيس داخل ڪيا آهن.
