ڳاڙهو ۾ 22 مئي جي شهيد ستار انڙ جي ورسي ملهائي ويئي

ڳاڙهو: 22 مئي 2012 تي محبت سنڌ ريلي جي شهيد عوامي تحريڪ جي اڳواڻ شهيد ستار انڙ جي ڏهين ورسي عوامي تحريڪ ٺٽو پاران عوامي تحريڪ جي مرڪزي اڳواڻ مٺا خان لاشاري، ضلعي صدر گهنور خان زئور، انور پالاري، شاهه محمد چانگ، بلاول لاشاري، رياض عباسي، ايوب انڙ ۽ نور احمد انڙ جي اڳواڻي ۾ سوين ڪارڪنن شهيد جي اباڻي ڳوٺ دانڌاري ۾ پهچي ورسي ملهائي، دانڌاري شهر ۾ ريلي ڪڍي نعريبازي پڻ ڪئي ويئي، شهيد جي مزار تي چادر چاڙهي سلامي ڏني ويئي، ان موقعي تي ايوب سهتي، مارو خشڪ گيت ٻڌايا ۽ شهيد کي زبردست خراج پيش ڪيو.