پاڪستان پيٽرياٽڪ موومينٽ زنده باد طرفان پاڪ فوج جي حمايت ۾ ميونسپل اسٽيڊيم کان ريلي ڪڍي وئي جيڪا مختلف رستن کان ٿيندي پريس ڪلب اڳيان پهتي. ان موقعي تي لياقت علي ابڙو، نظر حسين ابڙو، يونس علي ابڙو، راجا منير جتوئي ۽ ٻين چيو ته پاڪ فوج جي جوانن ڏينهن رات ملڪي سرحدن جو تحفظ ڪندي قيمتي جانين جا نذرانا ڏنا آهن جن جي قربانين کي ڪڏهن وساري نه ٿو سگهجي، پاڪ فوج ڪري اڄ اسين آزاد ملڪ ۾ سک جو ساهه کڻي رهيا آهيون ۽ انهن جي بدولت اسان جا ايٽمي اثاثا توڙي سرحدون محفوظ آهن. هنن چيو ته پاڪ فوج دنيا جي واحد فوج آهي جن ملڪ مان دهشتگردن خلاف ڪيترائي ڪامياب آپريشن ڪري ڪاميابيون ماڻيون اسان کي پنهنجي پاڪ فوج تي فخر آهي.
