ڇاڇرو: ڇاڇرو جي ڳوٺ چانور کان ٺارو رند تائين ٺهندڙ روڊ تي مٽي جي ڀرائي ڪرڻ بدران مڪس ريتي واري مٽي جو استعمال ڪيو ويو، جنھن سبب روڊ جلد ويهڻ جو خدشو ظاهر ڪيو پيو وڃي. 7 کان 8 ڪلوميٽر روڊ ۾ ضلعي روڊس کاتي جي عملدارن جي ملي ڀڳت هئڻ ڪري ناقص مٽيريل جو استعمال ٿي رهيو آهي، پر انتظاميا ڪو نوٽيس ناهي ورتو. ٿرپارڪر ۾ ڪيترائي روڊ جيڪي ضلعي روڊس کاتي جي عملدارن جي مبينا ڪرپشن ٿيڻ ڪري هڪ سال به نٿا هلي سگهن. ذريعن کان معلوم ٿيو آهي ته في ڪلوميٽر تي لکين رپيا ڪميشن مقرر هجڻ ڪري روڊس کاتي جي عملدارن ٺيڪيدارن کي ڇوٽ ڏئي ڇڏي آهي.
