باقراڻي ويجهو ڳوٺ مڏباھو واسي ڳوٺاڻن شاعر محمد ھاشم چانڊيو، امجد چانڊيو، بشير احمد ۽ ٻين لاڙڪاڻي جي الله آباد ٿاڻي جي پوليس خلاف پريس ڪلب باقراڻي اڳيان احتجاج ڪيو. ان موقعي تي شاعر محمد ھاشم چانڊيو چيو ته لاڙڪاڻي الله آباد ٿاڻي جي حد گلشن مدينا ڪالوني ۾ گھر ٻاھران ھٿياربند ڏينهن ڏٺي جو منهنجي اٺين ڪلاس جي شاگرد پٽ بھرام چانڊيو کان پسٽل جي زور تي ون ٽو فائيو موٽر سائيڪل ڦري ويا. اھڙو اطلاع پوليس کي ڏنو ويو ۽ جوابدارن جا سي سي ٽي وي فوٽيج ھٿ ڪري پوليس حوالي ڪيا آهن پر پوليس اڃان تائين جوابدارن جو پتو نه لڳائي سگهي آهي. هنن ڊي آءِ جي ۽ ايس ايس پي لاڙڪاڻي کان مطالبو ڪيو ته واقعي جا جوابدار گرفتار ڪري ڦر ٿيل موٽرسائيڪل واپس ڏياري وڃي ٻي صورت ۾ سخت احتجاج ڪيو ويندو.
