کورواھه: کورواهه ۾ تغاري مزدورن جو اجرت وڌائڻ لا پريس ڪلب آڏو احتجاجي مظاھرو ڪري سخت نعريبازي ڪئي. ان موقعي تي صديق خاصخيلي، خدابخش جت، علي غلام رند، غلام مصطفى لاشاري ۽ ٻين احتجاج ڪندي دانھيو ته اسان سڄو ڏينھن پگھر وھايون ٿا، اسان کي ٺيڪيدرا ۽ شھر جا اسٽيڪ ھولڊر صرف چار سئو ڏھاڙي ڏين ٿا، جنھن مان ھن ھيڏي مھانگائي جي دور ۾ پوري نٿي ٿئي، ھنن چيو ته وڏن شھرن ۾ مزدور جي ڏھاڙي 8 سئو کان ھزار تائين آھي پر اسان کي چار سئو ملن ٿا، جيڪا سراسر ناانصافي آھي، ھنن مطالبو ڪيو ته مزدورن جي ڏھاڙي ھڪ ھزار تائين وڌائي فاقاڪشي کان بچايو وڃي.
